19Leydi Burkinaa Fasoo e Mali, neldii konuuji mumen hanki aljumaa 18 ut 2023, laaɗe diwooje keertoriiɗe hare ngam nootaade noddaango Niger. Wallude ndii leydi kala mbaadi hare nde CEDEAO dikkii konuŋkooɓe yandinɓe laamu Mohamed Bazum. Tuugnaade e tele ngenndiijo Niger, offisiyeeji etat major leyɗe tati ɗee hono Burkinaa Fasoo, Mali e Niger njooɗdiima ngam daɗɗude peeje hol no poti dartoraade haɓtoraade konuuji CEDEAO. Niger teeŋtinii musiɗaagal cehilaagal, gonngal hakkunde leyɗe tati ɗee.
Naatgol ɗii konuuji nder Niger, ari ko e sahaa nde Fedde Fagguduyankoore leyɗe Afrik bannge hirnaange ƴetti pellital neldude konuuji mumen to Niger ngam artirde Mohamed Bazum e laamu.
Siftinde, hanki aljumaa nelaaɓe fedde ONU ngarii to Niamey ngam dogde koyɗe jam, artirde doosgal leydi ndii kono haa jooni kaaldigal ine njokki haa e aset hannde oo. Ɓeen nelaaɓe ONU ine waɗi nootaniiɗo keeriiɗo koolaaɗo kuuɓal ngam Afrik bannge hirnaange e Sahel. Kono noon alaa woɗɓe jilluɓe heen, wonaa terɗe CEDEO wonaa Dental Afrik,
Tuugnaade e kabaruuji keɓaaɗi, jaagorgal garwaniiwal Niger, ngal konuŋkooɓe toɗɗii jaɓɓiima nelaaɓe ONU ɓee, tawii ine satii mo jaagorgal ndeenka e ndernderiije fof. Batu maɓɓe nguu juutii no feewi, konuŋkooɓe ɓee kollitii mette mumen ko CEDEAO fawi e maɓɓe haɗde ko yowitii e faggudu, rewaani laawol etee yahdaani e neɗɗaagal. Ɓe kollitii yimɓe ONU wonde Basum ine e jam, kono kadi ɓe tuumii caaktirɗe winndereyankooje ɗee, nana cara kabaruuji ɗi ngoodaani ko yowitii e ngonka leydi Niger.
Ciftinen, Union Africaine yahdaani e neldugol konuuji CEDEAO to Niger kadi nelaaɓe ONU ine njokki yeewtidde e konuŋkooɓe ɓee haa e oo ñalawma gonaaɗo.
